BENKI YA NBC KUENDELEA KUSHIRIKIANA NA TRA

Kaimu Mkurugenzi Mtendaji wa Benki ya NBC Bw. Rayson Foya (katikati) akimpatia cheti Mkurugenzi wa Fedha wa TRA BI. Dina Edward baada ya kupokea salamu kutoka kwa Kamishna Mkuu wa TRA Bw. Yusuph Juma Mwenda Disemba 23, 2024.

...............................................................

Na Mwandishi Wetu, Dar es Salaam
 

BENKI ya Taifa ya NBC imesema kuwa itaendelea kushirikiana na Mamlaka ya Mapato Tanzania (TRA) katika utendaji kazi wake ili kuhakikisha inakusanya Kodi kikamilifu kutoka kwao maana wao ni miongoni mwa wadau wakubwa wanaoichangia TRA katika Kodi.

Akizungumza leo Tarehe 23.12.2024 baada ya kupokea Salam za Shukrani kutoka kwa Kamishna Mkuu wa TRA Bw. Yusuph Juma Mwenda zilizowasilishwa na Mkurugenzi wa Fedha wa TRA BI. Dina Edward Kaimu Mkurugenzi Mtendaji wa Benki ya NBC Bw. Rayson Foya ameishukuru TRA kwa kutambua mchango wao.

Foya amesema NBC itaendelea kutatua changamoto za malipo kwa upande wao kwa kuboresha mifumo huku akibainusha kuwa wameshakuza mifumo yao ya TEHAMA.

Kwa upande wa Benki ya HABIB mwakilishi wake Bw. S. S. Hasan Rizvi ameishukuru TRA kwa kuisaidia benki yao kupitia mifumo GPG na kuahidi kuendelea kushirikiana na TRA katika kukuza mapato ya serekali.

Kwa upande wake Mkurugenzi wa Fedha Bi. Dina Edward akiwasilisha salamu hizo amesema Kamishna Mkuu anazishukuru Benki hizo kwakua ni miongoni mwa benki za makusanyo ambazo zinazingatia matakwa ya mkataba na TRA.

Amesema TRA kwakutambua mchango wa Benki hizo Desemba ukiwa ni mwenzi wa shukurani wamekabidhi zawadi mbalimbali ikiwa ni kutambua mchango wao ambao unapelekea huduma kwa wepesi.