RAIS WA ZANZIBAR DKT. HUSSEIN ALI MWINYI ALIVYOFUNGUA KONGAMANO LA UHIFADHI WA MAZINGIRA YA BAHARI

Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi amefungua kongamano la uhifadhi wa mazingira ya bahari kwa visiwa vidogo vidogo vilivyowekezwa Zanzibar

………………………………….

Na Mwandishi Wetu, Zanzibar

Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi amefungua kongamano la uhifadhi wa mazingira ya bahari kwa visiwa vidogo vidogo vilivyowekezwa Zanzibar lililofanyika Golden Tulip Kiembesamaki Zanzibar, liloandaliwa na Mamlaka ya Kukuza Uwekezaji Zanzibar (ZIPA) na USAID kupitia mradi wake wa Heshim Bahari.

Rais Mwinyi amesema ni jambo la kupongezwa kwa kufanyika kongamano hilo hapa Zanzibar na ukizingatia Zanzibar ni kisiwa kilichopata umaarufu duniani kutokana na uwepo wa mazingira asili ya fukwe za Bahari na kusema hivi sasa dunia inakabiliwa na mabadiliko ya hali ya hewa kutokana na uchafuzi wa mazingira ya bahari jambo ambalo linaarhiri sekta ya Utalii na ukuaji wa kiuchumi.

Amesema mpango mkuu wa Serikali kupitia Dira ya taifa 2050 imeliangalia kwa kina suala la Uchumi wa Buluu kama eneo la kipaumbele katika masuala mazima ya Kukuza Uchumi wa Nchi kwa matumizi ya rasilimali za Bahari katika sekta ya Uwekezaji wa mafuta na gesi na Uwekezaji katika Maeneo ya bahari.

Nae Waziri wa Nchi, Afisi ya Rais, Kazi Uchumi na Uwekezaji Mhe. Shariff Ali Shariff amesema kongamano hilo ni fursa ya kujifunza kwa pamoja hatua gani za kuchukua katika kuyalinda mazingira ya bahari katika suala zima la Kukuza Uchumi.

Aidha Mkurugenzi Mtendaji Mamlaka ya Kukuza Uwekezaji Zanzibar (ZIPA) Nd. Saleh Saad Mohamed amesema kwa mara ya Kwanza kongamano hilo limefanyika Zanzibar na mategemeo kutowa uelewa katika masuala ya utunzaji wa mazingira ya bahari na hasa Wawekezaji katika visiwa ambao wamekua kipaumbele kwa Uwekezaji wa utunzaji mazingira ya asili.

Kongamano hilo limewashirikisha watunga Sera za nchi na Wawekezaji lengo ni kupata maoni ya pamoja juu ya hatua za kuchukua katika uhifadhi mazingira na Uwekezaji nchini.

Wadau wakiwa kwenye kongamano hilo

Kongamano hilo likifanyika

Ufunguzi wa kongamano hilo ukiendelea

Kongamano likifunguliwa.

Picha ya pamoja baada ya ufunguzi wa kongamano hilo.

Taswira ya kongamano hilo.

Ufunguzi wa kongamano hilo ukifanyika.

Wadau wakiwa kwenye ufunguzi wa kongamano hilo.