RAIS WA ZANZIBAR AZITAKA TAASISI ZA BIASHARA KUONDOA URASIMU

Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi akihutubia wakati akifunga Maonesho ya 48 ya Biashara ya Kimataifa ya Dar es Salaam maarufu kama sabasaba yaliyokuwa yakifanyika katika Viwanja vya Mwl. J. K.Nyerere Jijini Dar es Salaam kuanzia June 28, hasi Julai 13, 2024.

 

 

Na Mwandishi Wetu

 RAIS wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi amezitaka Taasisi za Biashara kuondoa urasimu Ili kukuza biashara nakujenga uchumi wa nchi.

Amesema hayo Julai 13, 2024 wakati akifunga Maonesho ya 48 ya Biashara ya Kimataifa ya Dar es Salaam maarufu kama sabasaba yaliyokuwa yakifanyika katika Viwanja vya Mwl. J. K.Nyerere Jijini Dar es Salaam kuanzia June 28, hasi Julai 13, 2024.

Amesema Serikali zote mbili za Serikali ya Mapinduzi Zanzibar na Tanzania zina nia ya kuboresha mazingira ya biashara kwa kutatua changamoto mbalimbali zinazowakabiri Wafanyabiashara Ili kukuza biashara na uchumi.

Aidha, amebainisha kuwa kupitia maonesho hayo jumla ya masoko tisa(9) yamepatikana ikiwemo Afrika Kusini, Malawi, Uturuki na Saudi Arabia na kwamba TANTRADE iendeleze kutafuta masoko zaidi.

Aidha, ameielekeza TANTRADE ifanye uchambuzi wa fursa za masoko mbalimbali ikiwemo Soko la Eneo Huru la Biashara Afrika (ACFTA), Jumuiya ya Afrika Mashariki (EAC) na Jumuiya ya Maendeleo Kusini mwa Afrika (SADC) ambayo kwa pamoja kuna nchi 54 zenye idadi ya Jumuiya nane ili wafanyabiashara wayatumie.

Vilevile, amewapongeza wafanyabiashara kwa kutumia fursa ya Maonesho hayo kukuza mahusiano ya biashara ambayo ni muhimu kwa kuongeza ajira na mapato ya nchi na kuwataka kuongeza uzalishaji wa bidhaa kama sukari, samaki na miwa Ili kujitosheleza zaidi na kuweza kuuza nje ya nchi

Aidha amehamasiha sekta binafsi kushiriki katika Maonesho ya Japan Expo ambayo yatafanyika mwakani April 2025 ambayo yatavutia nchi zaidi ya 180 na yatakuwa na fursa ya kutangaza bidhaa za Tanzania.