MKURUGENZI MTENDAJI WA BENKI YA CRDB ALIVYOZINDUA CRDB INSURANCE

Mkurugenzi Mtendaji wa Benki ya CRDB, Abdulmajid Nsekela (pichani)  alivyoongoza uzinduzi wa kampuni ya CRDB Insurance (CIC)  ambayo ni moja ya kampuni tanzu nne za Benki ya CRDB ikiungana na CRDB Bank Burundi, na CRDB Bank DR Congo na CRDB Bank Foundation.

Pia alisema tukiwa wadau wa sekta ya fedha nchini tunatambua kuwa sekta ya bima imeendelea kukua kutokana jitihada kubwa zinazofanywa na serikali na wadau pamoja na matumizi ya teknolojia katika kutoa huduma hizi. Hata hivyo, bado kasi ya ukuaji wa sekta hii si kubwa ikilinganishwa na nchi zingine barani Afrika. Zipo sababu nyingi zinazochangia jambo hili ikiwamo ufahamu mdogo kuhusu umuhimu wa bima miongoni mwa wananchi pamoja na uhaba wa huduma za bima zinazokidhi na kuendana na mahitaji ya soko.

Aliendelea kwa kueleza kuwa tukiwa kama Benki kiongozi nchini, tuliona tuna jukumu la kuchangia katika ukuzaji wa sekta hii ya bima nchini. Na kwa sababu hii tuliona tusiishie tu kuwa madalali wa bima au kuuza bima kupitia kitengo chetu cha Bancassurance, bali kuanzisha kampuni ya bima ambayo itakwenda kutoa mchango katika changamoto zinazoikabili sekta ya bima nchini.

Kwa kumalizia alisema kuwa kwa niaba ya Benki ya CRDB kama muwekezaji mkuu katika kampuni hii, tunajivunia uwekezaji huu tukiamini kampuni hii itafata nyayo za kampuni mama katika kutoa mchango kwa Watanzania mmoja mmoja pamoja na nchi nzima kwa ujumla. Mbali na kuweka juhudi za kutoa elimu ya bima ili wananchi wengi waweze kujumuishwa katika huduma hizi, tunaamni CRDB Insurance Company itaendeleza ubunifu kwa kuja na bidhaa za bima zinazokidhi mahitaji ya makundi mbalimbali ya Watanzania hususan wale ambao wameachwa nyuma katika huduma zinazotolewa sasa.