MKAGUZI WA POLISI KATA YA SONGWE: MSIENDE NA HELA ZA MAUZO NYUMBANI:

Mkuu  wa Polisi Kata ya Chapwa Mkaguzi Msaidizi wa Polisi Anthony Sabasaba akitoa elimu kwa wafanyabiashara mjini Tunduma mkoani Songwe ya kuchukua tahadhari wanapofanya shughuli zao ili wasiweze kutapeliwa na watu wahalifu.

.................................

Na Mwandishi Wetu, Songwe.

MKUU wa Polisi Kata ya Chapwa Mkaguzi Msaidizi wa Polisi Anthony Sabasaba amewapatia elimu wafanyabiashara wa huduma za kifedha katika Mtaa wa Msapania Mjini Tunduma Wilaya ya Momba Mkoani Songwe.

Mkaguzi Sabasaba akizungumza na wafanyabiashara hao amewataka kuwa waangalifu na kuongeza umakini wakati wanapo wahudumia wateja wao ili kuepuka utapeli kwa njia ya mtandao.

"Fuateni masharti ya leseni zenu ikiwa ni pamoja na kupeleka hela za mauzo Benki mapema na muache tabia ya kwenda nazo nyumbani ili kuepuka kufanyiwa uhalifu" alisema Mkaguzi Sabasaba.

Pia aliwataka wafanyabiashara hao kuweka walinzi waliopitia mafunzo ya Jkt au Mgambo  katika maeneo yao ya biashara kwa usalama wa mali zao.

Elimu ikiendelea kutolewa.