BENKI YA DUNIA, CRDB BENKI ZA DHAMINI HAFLA YA UTOAJI TUZO KWA WALIMU VINARA SOMO LA KIINGEREZA

Wadau mbalimbali wakiwa kwenye hafla ya  utoaji wa Tuzo kwa walimu walioshinda shindano la pili la stadi za kufundisha somo la Kiingereza kwa shule za msingi. Kulia walioketi mbele ni Makamu Mwenyekiti wa kamati ya Kudumu ya Bunge ya Elimu,Utamaduni, Sanaa na Michezo ambaye ni Mbunge wa Singida Mjini Musa Sima.

.............................

Na Dotto Mwaibale

BENKI ya Dunia na Benki ya CRDB zimedhamini hafla ya utoaji wa Tuzo kwa walimu walioshinda shindano la pili la stadi za kufundisha somo la Kiingereza kwa shule za msingi.

Benki hizo zimefanya udhamini huo kwa kutambua umuhimu wa walimu hao kwa kile wanacho kifanya kwa watoto hao ambao wanakwenda kushika nafasi mbalimbali za uongozi na kuwa walimu wa kesho.

Mgeni rasmi katika hafla hiyo alikuwa ni Waziri wa Elimu, Sayansi na Teknolojia, Profesa Adolf Mkenda ambaye alizungumzia umuhimu wa Walimu kujua kufundisha kwa kutumia lugha  ya kiingereza.

Miongoni mwa wageni waalikwa katika hafla hiyo alikuwa ni Makamu Mwenyekiti wa kamati ya Kudumu ya Bunge ya Elimu,Utamaduni, Sanaa na Michezo ambaye ni Mbunge wa Singida Mjini Musa Sima ambaye alitumia nafasi hiyo kuwapongeza walimu hao kwa kushinda shindano hilo.

Hafla ya utoaji wa tuzo hizo ilifanyika katika Ukumbi wa mikutano wa Benki ya CRDB jijini Dar es Salaam na kuhudhuriwa na wadau mbalimbali.